انواع الجمل في الانجليزي ثلاثه

السلام عليكم ورحمه والله وبرركاته يا فتوووووووكات

النهارده جيبالكم شكل الجمله وتركيبها في الانجليزي بيبقى عامل ازاي

بس انتي صلي على الحبيب المصطفى عليه الصلاه والسلام وقيّمي الموضوع وتعالي


نقول بسم الله





انواع الجمل في الانجليزي تلاته

1- جمله بسيطه simple sentence
2- جمله مُركبه compound sencence
3- جمله عُقد "معقده يعني" complex sentence

اول حاجه هناخدها هي الجمله البسيطه Simple Sentence
مكوّنه من ايه دي بقى ؟

فاعل subject + فعل verb + مفعول به object

يعني مثلا
Ahmed eats meat
احمد بياكل لحمه
احمد الفاعل, بياكل الفعل, لحمه المفعول به

دي ابسط شكل لجمله انجليزي

,,,

ممكن بقى تعملي ربط بين جملتين بسيطتين بـ صفه ويبقو جمله واحده
يعني ايه الكلام ده ؟

يعني زي المثال دهووون ..
الولد ذكي .. حلّ كويس

عاوزين نحطها في جمله واحده وتبقى بسيطه .. يعني مفيهاش رابط زي and كده هتبقى مركبه
يبقى هنقول ايه ؟

The clever boy answers well
الولد الذكي حلّ كويس

عملنا ايه احنا ؟ ضيفنا صفه على الفاعل .. ده ميخليش الجمله معقده او مركبه .. هتبقى برضو بسيطه مع وصف الفاعل
تمامات ؟
...................

ممكن جملتين كل واحده منهم بسيطه بس يتربطو بـ to اللي بييجي بعدها مصدر infiniive
زي ايه ؟

he went to london ذهب الى لندن
he فاعل + went فعل + to london مفعول به >> دي اول جمله

he visited his uncle زار عمُه
he فاعل + visited فعل + his uncle مفعول به >> دي تاني جمله

اتعملو ميكس كوّنو الجمله دي
he went to London to visit his uncle
هو ذهب الى لندن عشان يزور عمه


ممكن برضو يبقى فيه جمل بسيطه بس يتربطو بحرف جر preposition
زي ايه ؟

this boy succeeded
الولد ده نجح
he worked hard
عمل بجِد

لما نيجي نربطهم هتبقى الجمله ازاي ؟
This boy succeeded by working hard
هذا الولد نجح بالعمل الجاد

وهتبقى الجمله برضو simple لا هي compound ولا complex


........


وجه ميعادنا مع الاسئله .. أن أن آااااااااااان
الاسئله دي تحلوها عشان الموضوع يثبت في دماغكم

Rewrite the following sentences by using words between brackets >> اعد كتابه الجمله باستخدام الكلمات ما بين الاقواس

....................................


1- they went home . they didn't finish their work
(without)
روّحو البيت .. مخلصوش شغلهم

2- The boy wanted to go to the cinema. He asked his father
( one combiend sentence ) >> خليهم جمله واحده

3-he finished his homework . no one helped him
(without)




.........................


ده كان اول نوع من انواع جمل اللغه الانجليزيه